تعو شوفو الزغيري بترد عالتيليفون

من طرف **شيماء الحبوبة** السبت مايو 09, 2009 11:44 pm

بنت زغيري أروبة بترد على التليفون

اتحملوني اشوي راح يرتفع ضغطكن وانتو بتقرأو

التلفون يرن ...

الطفلة : الوووو

المرأة : الووو مرحبا

الطفلة : اهلين..

المرأة : وين الوالدة ؟

الطفلة : ما في عنّا وحدة والدة..

المرأه:لا لا عيب عليكي ... لا سمح الله الله يخّليلكم ياها..

الطفلة : شو لا سمح الله ... بحكيلك ماعنّا والدة

المرأة : كام عمرك يا شاطرة؟؟

الطفلة : وكيف عرفتي اني شاطرة...

المرأة : تدحك وتحكي .. مبين عليكي خفيفة دم..

الطفلة : انتي اللي خفيفة دم ..... ماتغلطي

المرأة : مبين عليكي صغيرة؟

الطفلة : انا اطول منك......

المرأة : طيب يلاّ اعطيني ماما...

الطفلة : ليش هيّا إمك عنّاا؟؟

المرأة : خلاص نادي امك...

الطفلة :إمي ما عندها نادي..

المرأة : الله يصبرني...

الطفلة : يصبرك مع شوك ولاّ بدون شوك؟

المرأة : تصرخ " اعطيني حدا كبيرررررررر"

الطفلة : كبير بالحجم ولاّ بالطول ولاّ بالعمر..

المرأة : اعطيني واحد برميل اتكلم معااه..

الطفلة : استغفر الله العظيم بدّك تحكي مع برميل .. بس البرميل جماد

المرأاة : هلاّ بيجي لعندكن عالبيت... اعطيني حدا كبير ...

الطفلة :ما تيجي عندي هلاّ ....
صاحباتي عندي وأت ال بيروْحوا بتيجي ...

المرأة : طيب بس لو أشوفِك راح إعمل منك بطاطا

الطفلة : بطاطا مسلوئة ولاّ شوي بالفرن؟

المرأة : الأحسن لإلك تسكتي لأنك زعلتيني..

الطفله : مين ياللي زعّل تيني ... وليش التين اصلا بيزعل؟

المرأة :خلاص زودتيها عاد ..

الطفله : مين عاد ؟ ولا عاد ولا ثمود كخخخخخخخ حلوه هاي صح ؟؟؟

الامراة :عاد إلى بيته .. مبسوطة؟؟؟

الطفلة : بصراحة مو مبسوطة .. في شي مزعلني ..

الامراة : خّليه يزعلك بالكي تنفجري متل البالونة...

الطفلة :دخلك شو لون البالون ياللي راح أنفجر متله

المرأة : تصرخ بعالي صوتا .. " وين الوالــــــدة ؟؟؟ "..

بتيجي الماما وتاخد التيلفون من بنتا ..

بتحكي الإم: الووووو.. مين معي..

المرأة : أولي علينا .. شو هالبنت هاي؟؟؟
طلّعتلي قرون براسي....

الإم : قرن شو , قرن غزال ولا قرن ثور..

المرأة : كالعادة دايما رايئة وبتحبي تمزحي

.. لا ستي .. طلّعتلي قرن ثور ...

الإم : شو حجمه الثور؟

المرة سكّرت التيليفون من العصبية وراحت على بيتهن

رنّت الجرس

الإم حكيت لبنتا :روحي شوفي مين على الباب...

تجري البنوتة الزغيري على الباب

أخدت معها كرسي وركبت عليه واطّلّعت لفوء

الطفلة : ماما .. مافي حدا على الباب ... في وحدة وراه

الإم : خلص خليها ترن على الجرس أد مابدّا

الطفلة : أي جرس؟ جرس المدرسة؟؟؟

الإم : لاء .. جرس البيت ..

الطفلة : جرس بيتنا هاي ولاّ البيت الجديد ياللي آعدين نبني فيه

الإم : لا جرس بيت الجيران ..

الطفلة : ليش في عند الجيران جرس؟

وعلى هالموال ..... ليل نهار

هههههههههههههههههههههههههههههههههه

بيـــــــــــــــــــس لإلكن حبيبيني